Shillong, Lber 17: Ka jylla Meghalaya haka sien ba nyngkong kala ioh iaka Rel kaba iaid daka bording bad kane ka Rel ka iaid 22.823 km na Dudhnai sha Mendipathar bad na Abhayapuri shha Pancharatna ka ban iaid 34.59 km.
Ia kane ka Rel la mynjur haka 15 tarik mynta u bnai bad la pyntrei ia ka jingtan lain bording elektrik daka Central Organization for Railway Electrification (CORE).
Kum ban shu pynkynmaw ba ka Mendipathar kadei ka thain bala poi ka Rel hapoh Meghalaya bad ia kane la wan plie da u Myntri Rangbah duh ka ri India ha u snem 2014.
Kane ka jinglah ban pyniaid iaka Rel daka bording na Mendipathar kan plie lad iaki paidbah ban pyndonkam ia kane ka Rel namar lyngba ka jingpyndonkam daka bording, ka Rel ruh kan lah ban pyndait kham bun ki jaka kit briew bad ki mar (Freight).
Ki Rel ba pyndonkam da ka bording kin lah ruh ban kham pynsted iaka jingiaid jong ki bad ha ka juh ka por ka jylla kan myntoi namar lyngba kane ka Rel, lah ban pynpoi iaki mar ba bun jait namar ki Rel ba pyndonkam daka bording ki long kiba khlain bad kiba biang ka por leit bad por wan.
