Shillong, Lber 16: Ka Central Library, NEHU, Shillong ryngkat ka jingiatreilang bad ka Indian Association of Special Libraries and Information Centres (IASLIC), Kolkata hynne ka sngi kala pynlong iaka IASLIC National Seminar kaba 29 ha Multi Use Convention Hall, NEHU Campus.
Ia katei ka seminar la plie da u MP ka Rajya sabha u Dr. W.R. Kharlukhi kum u kongsan ha kaba la iadonlang u Prof. Prabha Shankar Shukla, Vice-Chancellor, NEHU bad kiwei kiwei.
U Abhijit Kumar, General Secretary, IASLIC ula ai ka jingkren maitphang halor ka seminar bad la ioh ruh iaka jingkren na u Prof. Sanjay K. Singh, Vice President, IASLIC Zone 5.
U Dr. W.R. Kharlukhi, ula pyllait paidbah ia ka Souvenir bad ula pyntip ba yn sa tei iaka Museum ha rilum Garo bad ula pynpaw ba dei ban pan jingmut na ka Central Library, NEHU, Shillong ban lah ban pynurlong ia katei ka jingthmu.
Ula ai jingmut ruh iaka Central Library, NEHU ban phah iaka jingtyrwa sha ka tnad DoNER ban sdang iaka projek Digital Archive halor ki jingnang jingtip ka jylla Meghalaya bad ka Thain Shatei Lammihngi khnang ba kan ai jingmyntoi iaka jylla bad ia ka thain baroh kawei kaban long ruh ka jingiarap ha ka kam jngohkai.
Ha kane ka sngi la sam ruh iaka IASLIC Special Award sha ka T. Padmavathi, Pr. Tech Officer, FOSTIS/Library CSIR-Central Food Technol. Res. Institute (CFTRI), halor ka jingithuh iaka jingai jingshakri kaba radbah ka jongka.
Nalor kane, ki heh ki hain kila iashimbynta ruh ha ka thung ia ki dieng hajan jongka Multi-Use Convention Hall.
