Shillong, Kyllalyngkot 03 : U Myntri ka Tnad ka rep ka riang ka Sorkar Pdeng Narendra Singh Tomar, yn wan plie paidbah ha ka 5 tarik Kyllalynngkot ia ka College of Agriculture ha Kyrdemkulai bad ka Krishi Kumbh Mela ha ICAR, Umiam.
U Tomar un wan poi ha Kyrdemkulai ha ka 4 tarik Kyllalyngkot bad un sahmiet ha kane ka jaka shuwa ban plie ia ka College of Agriculture bad ban iasyllok bad ki paid nongrep ha kane ka jaka pule.
Hadien kane, u Tomar un leit sa sha ICAR, Umiam ban plie ia ka Krishi Kumbh Mela shuwa ba un mih ban leit pat sha Pasighat, Arunachal Pradesh.
Ha kane ka jaka, u Tomar un plie ia ka Administrative & Academic Building bad iakynduh ia ki paid nongrep.
Ha ka sngi kaba bud, u Myntri un leit iuhkjat sa ha Julukie, Nagaland ban plie ia ka Academic Block ba thymmai jong ka College of Veterinary Sciences and Animal Husbandry, Julukie.
