Shillong, Nohprah 15 : Ka Iingkashari Meghalaya High Court hynne ka sngi palei, kala shong bishar ia ka PIL bala mudui pyrshah ia ka jingthmu ban pom ia palat 103 tylli ki dieng hapdeng ka Anjalee sha Jhalupara na ka bynta ban pynheh ia ka surok.
Ia kane ka mukotduma la mudui da u Nongiasaid ain Kaustav Paul.
Ka Sorkar Jylla kala pyntip lyngba u Advocate General ba ka dei ka National Highway Infrastructure Development Corporation Limited (NHIDCL) kala shimti ban pyntrei ia ka kam.
U Dr N. Mozika, DSGI uba la donlang ha IIngkashari, u la wan mihkhmat na ka bynta ka NHIDCL. Ka Iingkashari kala buh ban shong bishar biang ia kane ka kam ha ka 16 tarik Nohprah.
Ia mynta, ka Sorkar kala kular ia ka Iingkasahri ba kan ym don shuh ka jingpom ia ki dieng ha kane ka bynta jong ka surok shuwa ban shong bishar biang ia ka kam.
