Shillong, Nohprah 08: Ka Meghalaya Cricket Association (MCA) hynne ka sngi kala pybna iaka thup ki 15 ngut ki rangialehkai ban mihkhmat ia ka Jylla sha ka Ranji Trophy ka ban long hapoh ka jylla Gujarat.
Kine ki rangialehkai ki kynthup u Dippu Ch Sangma, Kishan Lyngdoh, Bamanbha Shangpliang, Sylvester Mylliempdah, Dippu Ch Sangma (V-C), Lerry Sangma, Tarique Anwar Siddique, Raj Biswa, Abhishek Kumar, Akash Kumar Choudhary, Arbin Singh, Md Nafees Siddique, Lakhan Singh, Swarajeet Das, Punit Bisht (C) bad u Rajesh Bishnoi kynthup u Punit Singh Bisht kum u Guest Professional.
Nalor ki 15 ngut ka MCA ka jied ruh ia 6 ngut ki rangialehkai ban don bynta ha kane ka Ranji Trophy ba kynthup u Manish K Rai, Junjun Sangma, Shaisngi Lyngdoh, Rohit Shah, Pringsang Sangma bad u Sanvert B Kurkalang.
Nalor ki rangialehkai ka MAC kala jied ruh iaki Support Staff ba kynthup u Dheeraj Jadhav (head coach), Moisten Ch Marak (assistant coach), Himmat Singh (trainer), Surojit Biswas (physio) bad u Raju D Sangma (manager).
Ki rangialehkai ka jylla kin napoh ka jylla Assam haka 10 tarik naka bynta ban iakhun pyrshah iaka Mizoram ha ka 13 tarik mynta u bnai, pyrshah iaka Sikkim haka 20 tarik kaba long ha December, pyrshah iaka Bihar haka 27 ha Shillong, pyrshah iaka Arunachal Pradesh haka 3 tarik Kyllalyngkot ha Anand bad pyrshah iaka Manipur haka 10 tarik Kyllalyngkot ha Shillong.
