Nongpoh, Nohprah 08: Ban ai mynsiem ïa ki rang bad ki thei ïalehkai sport kiba la mihkhmat na Ri Bhoi District bad kiba la ïoh ban khur ïa ki takma ha ka lympung ïalehkai jong ka 2nd North East Olympic Games kaba dang shu kut shen, ka Synjuk ki Rangbah Shnong Ri Bhoi District ka la shim ïa ka rai ban pynkup burom ïa kine ki rang bad ki thei ïalehkai na ka district.
U Bah PB Sylliang, General Secretary ka Synjuk ki Rangbah Shnong Ri Bhoi District, u la pyntip ba ka Synjuk kan pynkup burom ïa kine ki rang bad ki thei ialehkai ha ka 10 tarik u Nohprah ha ka por 11 baje ha ka ïingdorbar jong ka Nongpoh Proper ha Sajer.
