Iakynduh ia ki lanot shlei um bad kiba mynsaw ha PHC
Siju, Jylliew 22: U Myntri Rangbah ka Jylla Conrad Kongkal Sangma hynne ka sngi balang ula hiar sha Siju, ka shnong ba shah ktah jur eh ha ka jinglynshop u ‘lapbah bad hap ban jam da ka lieng haduh arkynta tam lyngba ka Wah Simsang ban poi sha kane ka Shnong namar ka jingdkut noh jong ka surok NH-62 kaba pyniasoh bad ka Baghmara, Headquarter jong ka South Garo Hills District.
Traveled for 2 Hrs on a local boat to Siju from Karukol in #SouthGaroHills District to take stock of the damages in the area. Proceeded forward on foot for 2.5 Hrs, close to 10 Kms towards Rongdong. Heartbreaking damages in the whole area.@narendramodi @AmitShah pic.twitter.com/5Sdbe3BBAR
— Conrad Sangma (@SangmaConrad) June 22, 2022
Ia u Myntri Rangbah ka Jylla la synran da u Deputy Commssioner bad Superintendent of Police ka South Garo Hills, ki BDO bad kiwei kiwei ki heh Ophisar jong ka District.
U Myntri Rangbah ula sdang ia kane ka jingleit jong u na Kurukol bad shong da ka lieng shna hi haduh arkynta tam ban jam ia ka Wah Simsang haduh ban da poi ha Siju.
Hangne u Myntri Rangbah ula iakynduh markhmat ia ki Longiing jong ki briew kiba iap ha ka jingwan lynshop ki bor ka mariang kaba ki nongshongshnong ka thaiñ kim pat ju mad satia ba kynthup ia ka jingshlei um ba I shyrkhei bad ka jing twa jong ki lum kat shaba phai ki khmat, kaba ka pyndkut syndon ia ka lad pyniasoh ia kane ka Shnong bad ka Jylla baroh kawei.
Ka jingpynjulor jong ki bor ka mariang ha Siju kala jubor bha bad bun tylli ki Iing, ki jingtei bad ki jaka rep kila shah pynjulor ha ka jingshlei um bad ka jingtwa khyndew. Ki jingtei bala shna kyrpang ia ki nongshangkai pyrthei ba wan jngoh ia kakrem Siju ruh, kala julor na ka jingtwa khyndew bad shah rong ha ka umsaw jong ki Wahduid kiba la shlei na ka jingther u lapbah.
“Ka jingpynjulor ka long kaba khraw bad ba itriem bha. Ki paidbah kila mad ia ka jingjynjar kaba khraw bha bad ngin pynthikna ban leh eiei noh mardor ha kaban weng noh ia kane ka jingeh jong ki” ong u Myntri Ragbah hadien ka jing iakyduh ia ki longiing kiba la mad ia ka jingjia ba sngewsih tam ha kane ka jingwan lynshop ki bor ka mariang.
U Myntri Rangbah ula ong “Haba peit ia ka jingjubor ki jingjulor, kan shim por da ki bnai ban pynkhuid ia ki khyndew ba twa bad ban shna pat ia ki jingtei bala julor ha kane ka thaiñ”.
U Myntri Rangbah ula ai ka jingkular ia ki nongshongshnong ka Siju bad ka South Garo Hills ba ka Sorkar kan leh kat kaba lah ha kaban iarap ia ki ha kum kane ka khep ba sohsat.
These photos are only few of many destructions to Siju. This is the worst affected District. Restoring things to normalcy in the area will take a long time but we are doing our best to provide relief & to rebuild from scratch.@narendramodi @AmitShah pic.twitter.com/MGhX5SiPW9
— Conrad Sangma (@SangmaConrad) June 22, 2022
Hadien kane, u Myntri Rangbah ula leit jngoh ruh ia ki briew kiba la mynsaw na ki jingtwa khyndew , kiba shah sumar ha Siju Primary Health Centre (PHC).
The damages in Siju are extensive and the lives it has impacted are even more so. In our trek in #SouthGaroHills District today, I stopped by Siju PHC to check on those injured in the landslides.@PMOIndia @AmitShah pic.twitter.com/AaVqoFBi9M
— Conrad Sangma (@SangmaConrad) June 22, 2022
Na Siju, u Myntri Rangbah ula iaid kjat haduh 2 kynta shiteng ban poi sha Rongdong bad hap iaid lyngba ki ba bun ki jaka ba twa khyndew jong ka surok na Sijusha Rongdong bad hap jam ruh ia ki mawsiang bad ka ktiehkiba la khang lynti ia ka surok bad ki lynti iaid.
U Myntri Rangbah ula bthah ia ki Ophisar ka District ba kin pyrshang kat kaba lah ha kaban pyniasoh biang ia ka Siju bad ka Baghmara nalor ban pynpoi ia ka bording elektrik bad kiwei kiwei ki jingdonkam ba manla ka sngi jong ki paidbah.
