Bym kheiñ snep ia ka sngi kynmaw burom ia u Thomas Jones
Shillong Jylliew 22: Ka JSU Jowai Circle bad ka JYF Jowai Circle hynne ka sngi balang, ki la leit ban khang khyrdep iaki Bank bad ki ophis jong ki company kiba plie haka sngi kynmaw burom ia u Thomas Jones u kpa jong ki dak thoh Khasi.
Ha kane ka sngi ki ar seng ki lah maham tyngeh iaki heh jong ki bank ba kidei ban burom iaka sngi kyrpang jong ka jaitbynriew hynñiewtrep khamtam ha kum kane ka sngi kynmaw burom ia u kpa jong ki dak thoh Khasi.
Ki arseng ki lah khang iaka State Bank of India – Jowai Branch, Ladthadlaboh Branch, Indian Overseas Bank- Jowai Branch, Apex Bank, ICICI Bank, HDFC Bank, Axis Bank, Meghalaya Rural Bank, Bank of India, North East Small Finance Bank, UCO Bank, Jowai Co-operative Urban Bank, IDBI Bank, Union Bank, Canara Bank bad kila khang ruh iaka Mahindra & Mahindra Finance, Cholamandalam Finance, IndusInd Bank.
Ki Ar seng ki la kyntu ia kino kino ki ophis treikam ka Sorkar kynthup iaki Bank, ki Finance Services kidei ban burom ia ki sngi kyrpang jong ka jaitbynriew.
