Shillong, Naiwieng 15 : Ka Meghalaya kala ioh ban rah ia ka nam lahduh ha ka jingialehkai Athletics ha ka 2nd North East Olympic Games.
Ka Meghalaya kala ioh ban khur haduh 15 tylli ki takma ksiar lem bad 9 tylli ki takma rupa bad 17 tylli ki takma ksiar kaba long haduh 41 tylli baroh lang.
Lah ban kdew hangne ba ha ka NE Olympic Games 2018 ha Manipur, ka Meghalaya kala ioh khur tang kawei ka takma ksiar.
Ka Assam kala wan ha ka kyrdan kaba ar da kaba ioh khur haduh 12 tylli ki ksiar, 6 tylli ki rupa bad 2 tylli ki rnong katba ka Manipur kala wan balai da 10 tylli ki ksiar, 14 tylli ki rupa bad 9 tylli ki rnong.
Ka Nagaland kala ioh khur 9 tylli ki ksiar, 4 tylli ki rupa bad 10 tylli ki rnong bad ka Tripura kala ioh 2 tylli ki ksiar, 7 tylli ki rupa bad 7 tylli ki rnong, Ka Arunachal Pradesh kala ioh kawei ka ksiar, kawei ka rupa bad kawei ka rnong katba ka Sikkim kala ioh 5 tylli ki rupa bad kawei ka rnong bad ka Mizoram kala ioh kawei ka rupa.
Kane ka jingjop jong ka Meghalaya ka mut ba ka donkam sa artylli ki takma ksiar na ka Arunachal Pradesh kaba don ha ka kyrdan kaba lai ha ka jingioh khur takma at haduh hynne ka sngi ba-ar por 7 baje mynmiet.
Ka Arunachal kala tam da 34 la 32 tylli ki takma. Ka Assam kala bat ia ka kyrdan ba nyngkong hynrei kala tam ia ka Manipur tang da ka jingioh takma ksiar ba long 71 la 68 tylli.
