Nongpoh, Nailur 08 : Ka ding kala bam duh ia kawei ka iing ha ka shnong Umran Dairy, Ri-Bhoi District ha ka step 8 tarik Nailur ha ka por kumba 4 baje mynstep.
Kat kum ka jingiathuh ka trai iing kong Bijenti Basaiawmoit, la suba jur ba kane ka jingpluh ka lah ban dei na ka jingthut jong ki waiar bording.
Watla ka ding kala klang sted bad pynjulor ia ka iing baroh kawei hynrei kat kum ka khubor,la ong ba ym shym la don satia kano kano ka jingmynsaw ki briew lait noh tang ki jingjulor ki jingdon jingem.
Ki kali pynlip ding kila poi ha katei ka jaka bad hadien katto katne por, kila lah ban tem ia ka ding bad khanglad ba kan pur sha kiwei pat ki bynta.
