Nongstoiñ, Naiwieng 7: Ka Hynñiewtrep Youth’s Council (HYC) Lai Lyngdoh Circle, ha ka sngi saitjaiñ ka la hiar ha ka Shnong Mynni Mawbri, West Khasi Hills District ban ïarap ïa ka ïing ka kong Kyntiewfully Kharbani kaba la pluh ha ka 3 tarik mynta hi u bnai ha ka por kumba 11:30 mynstep
Ha kane ka jingleit ïarap la ïoh ban pynlong jingduwai bad ka jinglang lyngkot ban pyntngen ïa ka ïing ka sem kaba la mad ïakane ka apot. La pynïaid ïa ka jingïalang da u Samla Karnes Sohshang Vice Presidents HYC Lai Lyngdoh Circle bad la ïoh jingduwai na u Samla Primal Thongni dkhot HYC Nongklung unit.
La ïoh ka jingkren lyngkot na u Samla Wandapynkmen Marweiñ President HYC Lai Lyngdoh Circle, u la ong, “Ka seng kam lah ban ïarap da ka bor bah, hynrei da kaba rit ngi pynpaw ban donlang bad phi hapdeng kine hynrei wat khuslai u Blei un ïarap ïa phi”.
U Samla Lumlang Kharsyiemlieh President HYC West Khasi Hills District, u la ong, “Ngi wan hangne ban pynpaw ka dak ka jingïadonlang bad ki paradoh parasnam ha ka shitom ka shipa. Ka election ka la jan lehse don kiwei kiba wan ïarap ïa phi kiba khmih lynti ban ïoh eiei kylliang na phi. Hynrei ka seng HYC ka wan ban ïarap naduh mynsiem ym ban ap ei ei na phi”.
Ka HYC Lai Lyngdoh Circle, ka la aiti ïa ki ki tiar bam, ki tiar pyndonkam ha ïing bad ka pisa ba la synïang da ki dkhot ka seng HYC .
Naka liang ka kong Kyntiewfully Kharbani ka la pynpaw ka jingsngewnguh da kaba ong ba phi ong kiba rit hynrei kine ha nga bad ka ïing ki dei kiba khraw eh. Ha katei ka sngi la donlang ki Riew rangbah kum u Secretary Shnong Mynni Mawbri bad ki dkhot kylleng kylleng ka Circle.
