Nongpoh, Naiwieng 07: Ka seng Hynñiewtrep Youth Council (HYC), Nongpoh Circle, hynne ka sngi nyngkong, kala leit ban khang khyrdep ïa ki bank bapher bapher kiba don ha ka thaiñ Nongpoh.
Ia kane ka kynhun la ïalam da u President samla Richard Diengdoh bad u Samla Tony Shylla Secretary ha ryngkat ki dkhot jong ka seng.
Kane ka seng kala shim ia kane ka sienjam namar ka jingbym sngew iahap ba kine ki Bank kin plie bad treikam ha ka sngi ba la Jylla kala pynbna shuti namar ka jingle niam Shad Nongkrem.
Ha kane ka sngi, ka HYC ki la kynduh ruh ïa ki branch managers ban kren shai ba ki dei ban burom ia kane ka jingle niam jong ki trai ri trai muluk kaba long shisien shisnem, ia kaba la Sorkar kala ai shuti kyrpang ha ka Jylla.
