Shillong, Naiwieng 02 : Ka Helipcopter ba kit ia u Myntri Rangbah ka Jylla Conrad K Sangma hynne ka sngi Balang, kala hap ban hiar kyrkieh (emergency landing) ha Umiam namar ka jingthut palat ka suinbneng ban wan sha Shillong.
Ki Ophisar na ka Chief Ministrer’s Office (CMO) ki pyntip ba u Conrad u dang wan na Tura sha Shillong hadien ka jingia shimbynta ha ka jingialang ba long ha West Garo Hills.
Kane ka helipcopter ba don 5 seat bad arngut ki Pilot, kaba dei jong ka Aryan Aviation Private Limited Company, kala hap ban hiar kyrkieh ha madan jong kawei ka college shimet kaba don ha Umiam. Kane ka College ka dei ka UCC.
Ka Sorkar Meghalaya kala iateh lok bad ka Aryan Aviation Pvt Ltd Company ban pyniaid ia ka jingkamai ki helicopter hapoh ka Jylla.
Hadien kane ka jinghiar kyrkieh ka helicopter, ki trai shnong kila tyrwa bam bad jaka shong ia u Myntri Rangbah ka Jylla.
Ia u Myntri Rangbah la leit shaw noh da ka kali ban wan sha Shillong.
Hadien kane ka jingjia, u Myntri Rangbah ula thoh ha Tweeter “Hap hiar kyrkieh ha UCC, Umiam namar ka jingsniew ka suin bneng haba wan phai na Tura hynrei sngewtynnad pat ban ioh peitkai ia ka campus ba itynnad ha ka jingiaid lynti bad ai khublei shibun ia ka jingiarap jong ki”.
Emergency landing at UCC in Umiam due to bad weather on the way from Tura but enjoyed the view of the lovely campus during my walk & had a good time there thanks to their hospitality. What a day! pic.twitter.com/kdCwUNMefD
— Conrad Sangma (@SangmaConrad) November 2, 2022
