Nongpoh, Naiwieng 01: Ki Pulit ka Jorabat Police Outpost hynne ka janmiet sngi ba-ar, ki la ioh ban kem ia u wei u briew u ba la kynnoh donkti ha kaban shalan ia ki pisa thok bad na ka met jong u ne u briew la ioh ban kurup haduh 2 lak tyngka ka pisa thok ha ryngkat ba kawei ka mashin ba pynmih ia kine ki pisa thok.
Ia u ne u briew ba shalan pisa thok la ithuh kyrteng kum u Bhudhi Sambyo u ba napoh Arunachal Pradesh bad la iohkem ia u na 9 Mer hajan Jorabat katba u dang thmu ban leit die ia katei ka mashin sha ki briew bym lah ban ithuh.
Katkum ka jingtip ba la iohlum la ong, ba u ne u briew u dei ruh u ba niah ia ka kali pulit ha ka jylla Arunachal Pradesh bad u la wan poi sha 9 Mer hajan Jorabat na ka bynta ban pyniaid iew ia ka pisa thok bad ruh ban die ia katei ka mashin shon pisa.
Na ka liang ki pulit ka Jorabat, ki la kem noh ia u ne u briew bad ka jingtohkit ka dang iaid shakhmat.
