Guwahati, Lber 23: U Myntri Rangbah (CM) ka Assam u Himanta Biswa Sarma u la pynbna ban thung haduh kumba 819 ngut ki nonghikai kiba thymmai hapoh ki skul sorkar kiba don ha ki thain jaka rep slasha ka jylla.
U CM Sarma u la pynpaw ba ka kynhun myntri ka sorkar jylla ka la mynjur ban ithuh noh da ka sorkar (provincialisation) ia ki 419 tylli ki skul LP, 2 ki skul ME bad 1 ka High School ia kiba la pyniaid da ki management jong kitei ki jaka kper slasha.
Na ka liang ka sorkar ka la shim ruh ia ka rai ban thaw 2 tylli ki post assistant teacher ha kawei kawei ka skul LP, 3 tylli ki post nonghikai ha ki skul ME bad 6 tylli ki post nonghikai ha ki High School ba la pyniaid da ki management ha kitei ki thain jong ki nongrep slasha.
“Ia kine ki 819 tylli ki post nonghikai yn thaw na ka bynta ki 419 tylli ki skul LP ba la pyniaid da ki management kiba don ha kitei ki thain kper slasha, 2 tylli ki skul ME bad 1 ka high school ba la pyniaid da kiba kum kitei ki kynhun.
“Ban kyntiew ia ka pule puthi ha kito ki thain kiba don ki jaka kper slasha na ka liang ka kynhun myntri ka la shim ia ka rai ban thaw 819 tylli ki post nonghikai kiba thymmai,” ong ka khubor heh sorkar.Kine ki skul kin ioh ruh man ka por ia ka skhim Mid Day Meal, ki kot ki sla bym dokam siew pisa nalor ki uniform skul.
Pule lang ia kane: Shah pynphai da ki spah ngut ki bar jylla man ka sngi na Byrnihat
