Shillong, K’lyngkot 20: Ka Society of Labours and Development Agency (SLDA) hynne ka sngi thohdieng, kala pynbna ban sam khusnam ia ki riew donsap ha ka jylla ha ka 11 tarik Rymphang 2023, ha Anton Hall Laitumkhrah Shillong.
Haba kren sha ki lad pathai khubor ka Discipline Secretary, kong Phibarisha Diengdoh ka la iathuh ba kane ka society ka dei ka ba la ithuh da ka sorkar jylla bad ka jingsam ia ki khusnam ka dei naka bynta ban pynshlur iaki briew khamtam iaki samla ban ieng hala ki jong ki kjat haba ki sengkam lajong.
Ka kong Phibarisha kala iathuh ba ka SLDA kan sam iaki khusnam ba kynthup ka best Start-up of the year, Best entrepreneur, Best woman leader, Best Small business, Best business Man/Woman of the year, Best Photography/video graphy, Best Director, Best Skill, Best Pageant Holder, Best Sports Person, Best Makeup Artist bad Best Artist.
“Ka Society of Labours and Development Agency ka khot ka wer ia ki riew donsap ha ka jylla ba kin wan ban shim bynta da ka ba pynrung kyrteng ne Register ialade daka ba Phone ha u number 7627963324” la ong ka kong Phibarisha.
Ka kong Phibarisha kala iathuh ba ki nongjop ha kane ka sngi kin ioh ban leit ban shim bynta ha ka bynta ka ‘National Award’ ka ban long mynta u snem ha nongbah Delhi.
