Shillong Nailar 27: U Bah Sounder Strong Cajee uba long u nongialam barim jong ka FKJGP, yn leit pyniasoh noh ialade bad ka All India Trinamool Congress (AITC) ha ka 24 tarik u Nailur.
U Bah Cajee u la rai ban iakhun iaka elekshon MLA 2023 na Mawkyrwat Constituency pyrshah ia u MLA ka HSPDP u Bah Renikton Lyngdoh Tongkhar uba long ruh u Myntri Sorkar ka jylla.
Ia katei ka rai la shim hadien ba ki paidbah ka constituency kila kyntu ia u Bah Cajee ban rung noh sha ka seng AITC da kaba pynpaw ba kadei ka seng kaba khlain kaba lah ban pynliem iaka seng NPP kaba ialam iaka sorkar jylla.
Ha u snem 2018, u Bah Cajee u la iakhun naka seng NPP iaka elekshon MLA na South Shillong constituency hynrei ym shim la jop satia iaka elekshon.
Katkum ka kyrwoh khubor naka AITC kala pyntip ba u Bah Cajee u la sngap iaka jingkwah jong u paidbah ba yn don ha ka Meghalaya Trinamool Congress bad ban aireng iaka elekshon na katei ka seng.
“Ula pynpaw ba u kloi ban rung bad ban iadonbynta bad ka mishon jongka TMC bad ula pynpaw iaka jingthrang ban iakhun iaka elekshon na Mawkyrwat na ka seng TMC, kum ka dak jong ka jingburom iaka jingkwah jong u paidbah” la pynpaw ka Meghalaya Trinamool Congress.
Ka seng kala pynpaw, ba u Bah Cajee u ngeit skhem ba ka Meghalaya Trinamool Congress kadei ka bor kaba ieng bad u paidbah ka jylla bad kadei tang kane ka seng kaba rah bad pynsngew iaki mat jong ki paidbah ka jylla Meghalaya ha ka ri kum ka mat jingdawa ban pynrung iaka ktien Khasi bad Garo haka Eight Schedule bad halor u pud u sam.
U Bah Cajee un trei kum u dkhot ba pura jong ka Meghalaya TMC bad ha ka 24 tarik u Nailur yn pdiang burom ia une u rangbah sha ka seng Meghalaya Trinamool Congress.
