Kohima, Risaw 24 : Ka Nagaland kan pynlong ia ka jingiakop ‘Miss Northeast’ha ka sien kaba nyngkong ha ka 3 tarik u Naiwieng u ban wan ha Kohima.
Baroh ki don 15 ngut ki ban ia aireng na ki phra tylli ki jylla ka thain shatei lammihngi (Northeast) ha kane ka jingiakop thei bhabriew, ong u president ka Beauty and Aesthetic Society of Nagaland (BASN) u Melekhoto Pucho lyngba ki lad pathai khubor ha ka sngi Saitjain ba la lah.
Ia kane ka jingiakop thei bhabriew yn pynlong da ka Northeast Beauty Pageant Organisation (NEBPO).
Baroh ki jylla jong ka thain Northeast kin don mar arngut ki nongiahsim bynta, katba ka Tripura ka don tang kawei ka nongiashim bynta ha kane ka jingiakop.
Na ka liang ka sorkar Nagaland ruh kan bei tyngkat na ka bynta kane ka jingiakop ha ryngkat ka BASN kaba dei ka nongkhot pynlong ia kane ka jingiakop, ong u president.
“Ka NEBPO kala shim ruh ia ka rai ba ia kane ka jingiakop ‘NE Beauty Pageant’ yn khot pynlong da baroh ki jylla jong ka thain kawei hadien kawei ha kaba ka Sikkim kan ioh ban pynlong ia ka jingiakop kaba bud,” ong u Pucho.
