-->

Yn iasoi soskular ka Arunachal bad ki 2 ki CPSU ban pyntrei ia ki hydropower plant ba 2823 MW

Date:

Share post:

Itanagar, Lber 31: Ka kynhun myntri ka jylla Arunachal Pradesh ha ka sngi Balang ba la lah ka la mynjur ia ka Memorandum of Agreement (MoA) ia kaba yn iasoi bad ki artylli ki Central Public Sector Undertakings (CPSUs) kata ka NEEPCO bad SJVNL) ba kin shimti ban pyntrei ia ki santylli ki hydropower project (HEP) kiba la pynsangeh noh.

Baroh ka jinglah ban pynmih bording lyngba kine ki santylli ki hydro project kiba la pynsangeh noh kan long 2823 MW. Ia katei ka MoA shen yn iasoi bad kitei ki artylli ki CPSU.

Ka kynhun myntri ka jylla ha ka jingialang ka jong ka hapoh ka jingpyniaid jong u Myntri Rangbah (CM) ka jylla u Pema Khandu kum u Chairman ka la mynjur ia ka MoA ia kaba yn iasoi bad kitei ki CPSU na ka bynta ban pyniaid shakhmat ia kane ka Hydropower ha ka jylla.

Kine ki santylli ki projek ki donkam ia ka jingbei tyngka ka ban kot sha ka T. 40,000 klur na ka bynta kine ki 5-7 snem ki ban wan.

Na kine ki santylli ki projek, artylli ki hydropower project, ka Naying (1,000 MW) bad ka Hirong (500 MW) yn pynkhamti sha ka North Eastern Electric Power Corporation Limited (NEEPCO); bad ia ka Emini (500MW), Amulin (420MW) bad ka Minundon (400MW) yn shimti da ka Satluj Jal Vidyut Nigam Limited (SJVNL) ban pyntreikam.

“Kine ki projek bording kin pynmih ia ka jingioh kamai kaban kot kumba 500 klur shi snem bad kumba 100 klur na ka bynta ki kam pynroi hapoh ka thain ne Local Area Development (LAD),” Ong u heh sorkar.

Ki Hydropower ki dei ka tyllong sam bording ba kongsan bad lada la pyntreikam ia ki kane kan kyntiew ia ka ioh ka kot bad ka roi ka par ha ka thain hi baroh kawei. “ La ong ba ka Arunachal Pradesh lyngba ki hydropower ki jong ka yn lah ban synniang borbah halor ka jingkut jingmut jong ka sorkar India ban kyntiew ia ka jingpynmih bording ka ba lah ban kot haduh 500 gigawatt.

Share post:

-->
spot_img

Popular

More like this
Related

Shirta jingim hukum set phatok ka Iingkashari ia u briew ba pyniap ia ka Kurim ba dang armet

Nongstoin, Naiwieng 20 : Ka Iingkashari District & Session...

Pep skul khlem da shim shuti ? Ioh show cause, shah sospon bad shah tohkit ki nonghikai skul Aided

Shillong, Naiwieng 20 : Ki nonghikai ha ki skul...

Iathuh ia ka khana ba pura | Kyrshan ka NPP ia ka CAA hadien ba lait ka Meghalaya, ong u CM ia u Dr...

Shillong, Naiwieng 19 : U Myntri Rangbah Conrad K...

Don ryngkat ka Sorkar bad ki nonghikai deficit hynrei hap khmih bha ba ktah ia ka pla tyngka :CM

Shillong, Naiwieng 20: U Myntri Rangbah ka jylla u...