Shillong, Nailur 11 : U Symbud Myntri Rangbah ba khmih ia ka Tnad Transport Bah Sniawbhalang Dhar, un sa hiar jurip ia ka Shillong Airport ha ka 23 tarik u Nailur.
“Ngan sa leit jurip ia ka Shillong Airport ha ka 23 tarik Nailur” ong u Bah Sniawbhalang haba iakren bad ki nongthoh khubor ha ka sngi Balang.
Hynnin ka sngi, u Bah Sniawbha u pyntip ba ka Sorkar ka dang ap ia ka kaiphod ban pynthikna la ka long ne em kaba lah ia ki liengsuin kiba heh ba kin wan hiar ha Shillong Airport.
“Ngin dang ban ioh ia ka kaiphod ba khatduh na u Consultant bala thung da ka Airport Authority of India (AAI). Mar syn ioh ia ka kaiphod, ngin sa shim rai halor kane ka kam” ula ong.
Ula pyntip ba la khmih lynti ba u consultant un sa aiti noh ia ka kaiphod ha ka taiew ba kut jong u Risaw.
