Nongpoh, Iaiong 02: U District Magistrate ka Ri Bhoi District, mynta ka sngi u pynjari da ka kyndon aiñ 163 jong Bharatiya Nagarik Suraksha Sanhita (BNSS), 2023, ban khang pyrshah ia ka jingiaid ki kali ba kit mar palat ia ka 9 ton na ka surok Mawmaram–Nongthliew–Mawmih–Mawlyndep.
Katkum kane ka kyndon aiñ ba la pynjari, u District Magistrate u la pyntip ba la hap ban khang noh ia ka jingiaid ki kali kit khia na kine ki surok namar ka jingjulor jong kine ki surok na ka jingiaid jingieng ki kali kiba kit palat ia ka 9 ton.
La pyntip ruh, ba ka jingiaid jong ki kali kit khia na kine ki surok ka la buh jingma ruh wat ia ki nongleit nongwan khamtam ki khynnah skul kiba ju iaid man ka sngi na kine ki surok.
Kumta, halor kine ki jingshem, na ka bynta ka jingshngain ka iaid ka ieng ki paidbah bad ka jinglong jingman jong ka surok, la pynjari ia kane ka kyndon aiñ bad kino kino kiba leh pyrshah kin shah pynngat katkum ki kyndon jong kane ka ain.
, 2023, ban khang pyrshah ia ka jingiaid ki kali ba kit mar palat ia ka 9 ton na ka surok Mawmaram–Nongthliew–Mawmih–Mawlyndep.){kind=link}