Guwahati, Nailur 14 : Katba ka jingtah iit iong (black tint) ha ki jingkhang jong ki kali ka dei lypa kaba la khang pyrshah mynta la slem bha, hynrei ka jingpyndonkam ia ki ki katto katne ki kynja jar kiba iong (black opaque nets) ka dei kawei pat ka sienjam ba la shim da kiba bun bah ki briew.
Na ka liang ki bor pulit ka Assam kila shim kam halor kane ka bynta hynnin ka sngi ba Ar da kaba pynshai ba wat ia kine ki net ruh la khang pyrshah ban pyndonkam ha ki kali.
Ka tnat pulit ka Assam lyngba ka fficial Twitter jong ka, kala ong ba kano kano ka jingpyndonkam ia kiba kum kine ki net kin ngat ha ka jingshah dain kuna.
“Kaba iong ka dei hi kaba iong, la kalong kumno kumno ruh! La sakhi ba katto katne ki briew kila pyndonkam da ki kynja pyrda iong ha ka jaka jong ki plastik iong ne Black Tint ha ki jingkhang jong ki kali.Ngi kwah ban pynshai ba ka jingpyndoniam ka ki black film ne black net ha ki kali baroh ar kin ngat ha ka kuna,” pynpaw ka tnat pulit ka Assam lyngba ka twitter.
Lah ban kdew ba ka jingtah iit iong ne ki plastik iong ha ki kali ka dei kaba la khein beain ha India ia kaba la pynbna da ka iingbishar ba hakhliehduh ka ri ka Supreme Court ha ka snem 2012.
Lah ban kdew ba ka jingkhang tah iit iong bad plastik iong ha ki jingkhang jong ki kali la khein beain ha India da ka iingbishar Supreme Court ha ka snem 2012.
Hadien ki jingjia jong ki kam pyntriem kiba la jia hapoh ki kali kiba kiba iaid (moving automobiles) kumta ruh la pyntreikam ia kane kaain da ka jingsngewkhia bad na ka bynta ka jingshngain jong ki nongleit nongwan.
