spot_img

Wan shim jingkhein u Myntri Khynnah ia ka Aspirational District Programme ka Ri-Bhoi

Date:

Share post:

Shillong, Nailur 30 : U Myntri Khynnah ka tnad Rural Development & Steel u Fagga Singh Kulaste hynne ka sngi thohdieng u la hiar sha Ri Bhoi ban lum ia ka jingialang buddien halor ka ningpyntreikam ia ka Aspirational District Programme (ADP).

Ia kane ka jingialang la pynlong ha Conference Hall DC’s Office, Nongpoh bad ki ophisar naduh u Deputy Commissioner Ri Bhoi District u Arpit Upadhaya IAS bad ki heh sorkar na ki tnad bapher bapher kiba peit ia ki kam pynroi ba iadei bad ka Ri Bhoi Aspirational District kila wan iashimbynta.

U DC u la pyni ruh ia ka rukom treikam haba iadei bad ki kam pynroi ha katei ka distrik haba iadei bad ki tnad bapher bapher la ka long ha ka koit khiah, ka pule puthi, rep ka riang, ri jingri, kam pynroi nongkyndong kiba pyntrei ha katei ka distrik.

Haba kren bad ki lad pathai khubor u Myntri Khynnah u la ong ba ka daw jong katei ka jingwan jngoh bad jurip jong u ia katei ka distrik ka long ban ioh jingtip markhmat haba iadei bad ki kam pynroi kiba pyntrei lyngba ka ADP.U la ong ruh ba ki don ki bynta kum ka Horticulture, Education bad ka PHE kiba donkam ban pynleit jingmut.

Ha kawei pat ka Liang u la pynpaw pat ia ka jingkmen haba iadei bad ka jingialang buddien da kaba ong ba donkam ban kham pynleit jingmut shuh shuh haba iadei bad ki kyndon jong ka ADP.

Hadien kane, u Myntri u leit ruh ban shong jingialang bad ki nongmihkhmat paidbah bad leit ruh ban jurip ia ka Byrnihat PHC, Anganwadi Centre bad Moonlight Secondary School, Byrnihat bad pynkut ia ka jingleit jurip da kaba syllok lang bad ki SHG bad ruh ki nongialam shnong ha Byrnihat Community Hall.

Share post:

spot_img
spot_img

Popular

More like this
Related

Assam | Nang pyrkhing ka Sorkar ia ka rule Aadhaar ban tehlakam ia jingwan rung ki mynder 

Guwahati, Naitung 1: Ka sorkar Assam ha ka sngi...

Pyniap u runar iala ka samla barim hakhmat u Kpa da kaba siah ryndang

Shillong, Jylliew 30 : Kawei ka samla lud kala...

Aibor ka UDP ha u President ban shim rai ban thung Gen Secretary thymmai

Shillong, Jylliew 30 : U Nongialam ka UDP bad...