Shillong, Lber 25 : Ki bor District ka West Garo Hills kila pynjari ia ka korphiw miet ha baroh kawei ka district naduh ka por 8 baje mynmiet haduh 6 baje mynstep, haba kdew ia ki jingjia iakumar bad jingma ia ka suk ka sain u paidbah.
Ka hukum bala pynmih da u District Magistrate Vibhor Aggarwal hapoh ka kyndon 163 jong ka Bharatiya Nagarik Suraksha Sanhita ha ka 24 tarik Lber, ka ong ba “La pyntip ia ki jingkulmar bad ka jingpynthut ia ka suk ka sain u paidbah ha kyleng ki bynta jong ka District, kaba buh ha ka jingma kaba khraw ia ka jingim briew, ka jingshngain u paidbah bad ki nongkynti”.
U Aggarwal ula pynpaw ba u sngewhun ba ka jingpynbteng ia ki lad tehlakam kalong kaba donkam ban wanrah pat ia ka suk ka sain bad khanglad ia ka jingnang heh ka jingkulmar”.
Namar kane, ula hukum ba ym dei ban don mano mano ruh ki ban mih shabar nala iing hapoh u pud u sam ka WGH ha ki kynta ba treikam ka korphiw.
