Shillong, Lber 25: Da ka jingthmu ban pyniasoh ia ka jinghikai hapoh kamra pule bad ka jingdawa ki kompani, ka St. Edmund’s College, Shillong kala iasoi ia ka Memorandum of Understanding (MoU) bad ka Emporium Training and Consultancy Pvt. Ltd na Kolkata ban thaw ia ki lad iohkam iohkam ki samla pule ha ka liang ka Aviation bad Hospitality.
Kane ka jingiatehkular kaba la iasoi hynne ka sngi Balang ha ka conference room jongka College kan wanrah lang ia baroh ki jingai jinghikai ki nonghikai bad ki riewshemphang na ki karkhana ban kyntiew ia ka lad iohkam lyngba ka jingpyntbit ia ka sap, ka jingiasyllok ha ka iohkam bad ban pynioh ia ki jaka trei.
Ia ka MoU la iasoi da u Br. Sunil Britto, Principal (I/C) ka St. Edmund’s College bad u Anirban Mukherjee, Operations Manager jongka Emporium Training and Consultancy Pvt. Ltd., ha ka jingdonlang ki bor pyniaid jong ka college bad ki nongmihkhmat na ka kompani.
Hapoh ka jingiatreilang kaba 3 snem kaban iapynthymmai pat da ka jingiasngewthuh jingmut, ki samla kin ioh ban jngoh ia ki karkhana ban ioh ia ka jingshemphang bad ban ioh jinghikai ha ki lad kiba don byllai, khamtam ha ka jingiar sted ha ka liang ka kam kiba iadei bad ka liengsuin.
Ki bor pyniaid College kila ong ba ka jingiatreilang ka thmu ban pyniasoh ha kaban pyndap ia ka jingduna ha ka jinghikai ha ki jaka pule bad ka jingshisha jong ka jingdonkam ia ki kam ha ka pyrthei.
“Kane ka sienjam kan plie ia ki lad kiba thymmai ia ki samla pule ki jong ngi bad ban pynkhreh ia ki na ka bynta ka lawei kaba khraw” la ong u Br Britto.
U Mukherjee ula pynpaw ba ka jingjur ka jingdawa ia ki briew kiba tbit ha ka kam liengsuin bad ka jingpdiang ia ki briew ha ka liang ka sah, ka bam bad ka leit ka wan bad ka bynrap ba kane ka jingiatreilang kan pynleit jingmut ha kaban tei ia ka jinglah ha ka rukom leh bad trei bad ban plie lad ban pynioh kam ha kylleng ki jaka.
Kane ka sienjam kala mih na ka jingjur ka jingpyrshang da ka bor pyniaid ka College ha ka thain shatei lammihngi ban pyniasoh ia ka jingtbit ha ka sap bad ka jingpule ha ki kyrdan kiba heh, kum ha ka liang jongka kam kaba iadei bad ka liengsuin kaba iai bteng ban iar bad ban pynmih ia ki lad iohkam iohjam.
 bad ka Emporium Training and Consultancy Pvt. Ltd na Kolkata ban thaw ia ki lad iohkam iohkam ki samla pule ha ka liang ka Aviation bad Hospitality.){kind=link}