Guwahati, Nailur 07: Ka Assam kala wan ha ka kyrdan kaba hakhmat eh halor ka jingdon jong kiba khlad na ka jingpang Covid-19 napdeng ki jylla ka thain shatei lammihngi (Northeast) jong ka ri kat haduh hynnin ka sngi ba Ar, kata bud sa ka Manipur bad ka Meghalaya, kane ka long katkum ka kaiphot ba la pyllait da ka tnat ka koit ka khiah ka sorkar pdeng.
Kat haduh hynnin ka sngi ba Ar, ka jingdon jong baroh kiba la khlad noh na ka jingpang Covid-19 hapoh Assam ka long baroh haduh 8,033 ngut, kata bud sa ka Manipur da 2148 bad ka Meghalaya da 1619 ngut.
Ha kawei pat ka bynta, ka Tripura kala sakhi halor ka jingiap jong ki 938 ngut, ka Nagaland 779, Mizoram 722, Sikkim 492 bad ka Arunachal Pradesh da 296 ngut kiba iap.
Katba haba khein kyllum halor ka jingdon jong baroh kiba la khlad na ka jingpang Covid-19 hapoh ka ri India baroh kawei kalong da 5,28,031 ngut, kata hadien ka jingkhlad shuh shuh jong ki 23 ngut na kane ka jingpang hynnin ka sngi ba Ar, kane ka long katkum ka kaiphot ba la pyllait da ka tnat ka koit ka khiah ka sorkar pdeng.
Ka jingpynioh ia ka jingai tika ialeh pyrshah Covid-19 hapoh ka ri baroh kawei ka la kynjoh sha ka 213.88 klur (2,13,88,70,991).
