Shillong, Naiwieng 08 : Ka lympung ialehkai I-Leaque kala wan biang sha Meghalaya kumba la khmih lynti bad ka kynhun ialehkai Shillong Lajong FC kan pynkhreh ia ka jingiakhun ba nyngkong eh jong ka Home Game (ialehkai hala Iing) ka I-Leaque-2023 ka ban long lashai ka sngi.
Kane ka kynhun ialehkai ka Jylla kan mih ban iakhun pyrshah ia ka NEROCA FC ha ka masan SSA Stadium (First Ground), Polo, Shillong.
Hadien ka jinghiar kyrdan saw snem mynta, ki rang ialehkai ka Shillong Lajong FC kila thrang dik dik ban pyni iala ka sap bad ban pynshongshit biang ia kane ka Nongbah ha kane ka lympung ialehkai.
Ka Shillong Lajong FC kala dep iakhun pyrshah ia ka Mohanmedan Sporting myn ha ka 3 tarik Naiwieng bad ka jingiakhun kala kut ha ka jingiakhaid ba mar 1-1 kol.
Ka kynhun ki rang ialehkai jong ka Shillong Lajong kiba lah ban mih iakhun pyrshah ia ka NEROCA ki kynthup ia u Neithovilie Chalieu kum u nongap kop, Ronney Kharbudon, Kynsailang Khongsit, Damaitphang Lyngdoh, Takuto Miki, Hardy Cliff Nongbri (Captain), Phrangki Buam, Abdou Karim Samb, Daniel Goncalves, Allen Lyngdoh Nongbri, bad Renan Paulinho de Souza.
Ki riewieid phutbol ka Nongbah mynta kila phaikhmat bha sha u rang ialehkai ka Japan u Takuto Miki, ia kaba la khmih lynti ba un ialehkai bha ha kane ka jingiakhun.
 ka I-Leaque-2023 ka ban long lashai ka sngi.){kind=link}