Shillong, Lber 23 : Palat 25000 ngut ki nonghikai kiba don ha ka kam ha Meghalaya kin hap ban pass ia ka Teacher Eligibility Test (TET) hapoh ka 31 tarik Nailar,2027, ban iaid kat kum ka hukum jong ka Iingkashari Supreme Court.
“Ka Supreme Court ha ka 1 tarik Nailur, 2025 kala hukum ba baroh ki nonghikai- kiba don ha ka kam ne ki ban sa rung kam- ki dei ban pass ia ka TET na ka bynta ka elementary education” ong u Bah Lahkmen Rymbui haba pyntip ba kane ka hukum ka treikam naduh ki snem bala leit noh.
Ula ong “Baroh ki nonghikai, naduh ka sngi ba thungkam ia ki, ki bym pat pass ia ka TET kin hap ban ialeh bad pass” ula ong haba bynrap ba wat kito kiba dang sah satang san snem ha ka kam, kila shah kynthup lang, bad lada kim pass ia ka eksam kin duh ia ka jingkiew kyrdan.
Ka Tnad kala pynmih ia ka jingpynbna bad ka jingpynrung kyrteng na ka bynta ka eksam TET ba kyrpang kala iaid shakhmat. “Nga kyrmen ba baroh ki nonghikai kin aplai bad pass khnang ba lada mih kino kino ki jingeh hadien habud, kin lait na ka jingshah ktah” ong u Bah Rymbui.
Ka jingpynbna bala pynmih da Director ka Educational Research & Training JU Kharpuri ha ka 18 tarik Lber la pyntip ba ka jingaplai online na ka bynta ka Meghalaya Teacher Eligibility Test (MTET) kan plie naduh ka 23 tarik Lber haduh ka 9 tarik Iaiong haduh ka por 5 baje janmiet bad ka sngi ban leh ia ka test ka lah ban long ha ka 29 tarik Jymmang.
 hapoh ka 31 tarik Nailar,2027, ban iaid kat kum ka hukum jong ka Iingkashari Supreme Court.){kind=link}