Shillong, Lber 23: Ka State Food Testing Laboratory kala plie ia ka Automated Water Analyser bad ka Gas‑Chromatograph (GC‑FID) hynne ka sngi Nyngkong, da ka jingthmu ban pynkloi iaka jingkhmih bniah ne jingleh ia ka Contaminant Testing bad ban pynkhlain ia ka jingkhmih bniah ia ka kyiad, umphniang bam bad ki jingbam kiba la song lypa.
U Myntri ka koit ka khiah Bah Wailadmiki Shylla ula plie ia kine ki kor ha Pasteur Hills ha ka jingiadonlang u Addl. Chief Secretary Sampath Kumar bad ka Deputy Commissioner ka EKH Kong Rosetta Kurbah.
“Kane ka dei ka sienjam kaba kongsan ha kaban pynkhlain ia ka rukom treikam kaba paka ha ba phai sha ka jingshngain ka bam ka dih lyngba ka jingstad ka Science bad Technology,” ong u Bah Shylla.
Ka Water Analyser kan ai iaki jingtip halor ka jinglong jingman jong ka umbam umdih, kaba dei ka mat kaba la sngewkhia bha mynta ha ka jylla Meghalaya, katba ka GC‑FID kan lap ia ka jingdon ia ki Organic Compounds, Fatty‑Acid bad ka jingbun ka kyiad.
Ki ophisar kila ong, ba kine ki kor ki bor kin pynlyngkot ia ka rukom treikam ka Lab na ki taiew sha ki kynta, kaba kyrshan ia ka jinglong jingman ka rukom treikam hapoh jong ka Food Safety and Standards Act. Ki Food‑Safety Officers, Scientists bad ki nongthaw ia ki polisi ha ka jingiatai ha ka jingpynkhlain ia ka jinglong jingman jong ka bam ka dih lyngba ka Science & ka jingpynsngewthuh paitbah, kila iakren halor ka jingsam mar kylliang ia ki jingtip bad ban pynlong ia ki prokram kiban poi sha ki paitbah.
Kane ka Laboratory, hapoh jongka Commissionerate of Food Safety, kan khmih ia ki sot nongmuna na kylleng ka jylla, ka jingioh kloi ia ka jinglap ne result kadei kaba la khmih lynti ban kyntiew ia ka jingkhmih bniah bad ban leh mardor ia kaba donkam.
 hynne ka sngi Nyngkong, da ka jingthmu ban pynkloi iaka jingkhmih bniah ne jingleh ia ka Contaminant Testing bad ban pynkhlain ia ka jingkhmih bniah ia ka kyiad, umphniang bam bad ki jingbam kiba la song lypa.){kind=link}