Shillong, Nohprah 01: Ka Meghalaya hynne ka sngi Thohdieng hapdeng jong ka jingialehkai bha kala mad ia ka jingrem ha ka Services, ha ka jingiakhun iaka Vijay Hazare Trophy, Men’s One Day Tournament kaba la long ha Jaipur.
Ka Services kala tied nyngkong ha kaba kala kamai 236 run bad hap 9 wiket bad ka Meghalaya kala iakhun tyngeh ha kaba ka Services kala hap dang kloi 3 wiket bad kamai tang 20 run ha kaba u Dippu Ch Sangma ula ioh 2 wiket bad u Md Nafess ula ioh shi wiket.
Hynrei hadien kane ka Services kala kamai 120 run bad hap 7 wiket, hynrei ki rangialehkai ka Services kiba la tied hadien kila ialehkai bha ban kamai haduh 236 run.
U AP Sharma ula lah ban kamai 61 run bad u PS Poonia ula kamai 51 bad kine baroh arngut kila Out noh ha ka jingkawang bol u Nafees bad u Raj Biswa ula ioh shi wiket.
Ka Meghalaya kaba la tied hadien kala kamai 207 run bad hap lut ki nongtied haka 48.3 Over.
U Kishan Lyngdoh ula kamai 74 run, u Tanmay Mishra ula kamai 52 run, u Raj ula kamai 21 run bad u Nakul Verma ula kamai 23 run.
U nongkawang bol ka Services u Poonia ula khur 4 wiket bad u Sharma ula khur 3 wiket.
Ka Meghalaya kan iakhun pyrshah ia ka Manipur ha ka Sngi u Blei.
