Guwahati, Nailur 23: Ka kurim u Myntri Rangbah ka Assam, ka Riniki Bhuyan Sarma, kala ujor da ka mukotduma bai mynrain khmat pyrshah ia u MP ka Congress Gaurav Gagoi halor ka jingkynnoh ba ka kompani jong ka, kala ioh ia ka subsidy ba T.10 klur na ka Sorkar Pdeng.
Kane ka kurim u Himanta Biswa Sawma kaba dei ka CMD jong ka Pride East Entertainment Pvt Ltd, kala pynpaw dang shen ba kan tan ia u Gagoi sha Iingkashari halor ki jingkynnoh ba pynjah burom ia ka khlem nongrim.
Ka Bhuyan kala ong ba ka kompani jong ka, ka lah ban iashimbynta ha ka ban pyntreikam ia kino kino ki prokram ka Sorkar Pdeng bad ki skhim kumba long kiwei pat ki kompani kiba biang nadong hadong.
Ka ong ba ka Pride East Entertainment Pvt Ltd kam pat ju kam ne ioh pdiang wat tang shi naia ka pisa na ka subsidy ka Sorkar Pdeng ha kane ka kam, kaba iadei bad ka PM Kisan Sampada Scheme, watla ka dei kaba la biang lut ki jingdonkam bala pan.
Kala ong ba kane ka jingkynnoh ka dei tang ban shu pynjah burom ia kane ka kompani ka Assam kaba la khlieh da ka nongsengkam kynthei.
Ia kane ka mukotduma la buh ban shong bishar ha ka 26 tarik Nailur, 2023 ha ka Iingkashari u Civil Judge (Senior Division), Kamrup Metro, Guwahati.
