Nongpoh, Jymmang 12 : Ka Nongpoh Region Auto Owners & Drivers Association (NRAO&DA) hynne ka sngi Nyngkong, kala leit ban buh da ka jingujor sha ka Ophis u District Transport Officer (DTO) bad ki Pulit ha Nongpoh Police Station, pyrshah ia u Nongialam barim Bah Marcus Marten halor ka jingkynnoh ba u dang iai kam kum u Nongialam bad lum pisa be-ain ruh na ki nongniah Auto jong ka thain.
Haba kren sha ki lad pathai khubor hadien ba dep wan buh ia ki jingujor, u President ka NRAO&DA Bah Banasar Lyngdoh Nonglait ula kynthoh jur ia ka jingiai bteng u Bah Marcus Marten ban kam kum u nongialam ka seng haba pynkynmaw ba ka seng kala dep pynthymmai ia ki nongkitkam ia kiba la ithuh ruh da ka Ophis u deputy Commissioner ka Ophis u DTO.
“Ka seng ka dap shisha da ka jingsngewkhia kaba jur halor ka jingbteng u Bah Marcus ban kam kum u nongialam ka Seng bad ka jingiai bteng ruh ban lum pisa na ki nongniah auto rickshaw, kaba la pynkulmar ruh ia kiba bun ki nongniah auto bad ki dkhot ka seng” ula kynthoh.
U Bah Banasar ula pynpaw ba ka seng kam lah shuh ban shu sngap ia ka jingleh u Bah Marcus bad kumta kala leit ban buh syndon da ka jingujor sha ki bor ka ain ba kin leh eiei noh pyrshah ia une u nongialam barim.
“Kane ka juk kam dei shuh ka juk maw hynrei kaba la stad bad ki briew ki iohi bad ki tip shai ia ki jingshisha baroh”, ong u Bah Banasar Lyngdoh Nonglait haba kynthoh ia u Bah Marten, da kaba ong ruh ba wat tang ka auto rickshaw ruh um don kumno u nud ban kam ba u dei u nongialam, kata ruh hadien ba ka seng ka la dep ban pynthymmai ia ki dkhot, ia ki kot ki sla bad ba la ithuh ruh da ka ophis u DC bad DTO.
 hynne ka sngi Nyngkong, kala leit ban buh da ka jingujor sha ka Ophis u District Transport Officer (DTO) bad ki Pulit ha Nongpoh Police Station, pyrshah ia u Nongialam barim Bah Marcus Marten halor ka jingkynnoh ba u dang iai kam kum u Nongialam bad lum pisa be-ain ruh na ki nongniah Auto jong ka thain.){kind=link}