Wan sor jamin ban shna surok na saw tylli ki shnong Khasi
Nongstoin, Nailur 15 : Ka Khasi Students’ Union (KSU) West Khasi Hills District, kala leit ujor sha u Deputy Commissioner ka District, ban pyrshah jur ia ka jingwan kyntur pud jong ka Sorkar Assam sha ki shnong Khasi kiba hap hapoh ka West Khasi Hills District.
Ka KSU bala ialam da u President samla Johnfisher Nongsiang bad General Secretary samla Franklin Syiemiong, kila leit ai da ka shithi ujor sha u Deputy Commissioner ka District hynne ka 16 tarik u Nailur.
Kat kum ka shithi, ka KSU kala pyntip ba ha ka 11 tarik Nailur, ka Sorkar Assam kala wan skud jaka ban shna ia ka surok ka ban leit sha ka shnong Sohmaring kaba hap hapoh ka Hima Jyrngam West Khasi Hills bad ia kane ka surok la pom lynti lyngba ka shnong Nongdronpara, Nongma, Nongmawlein bad Nongsohram.
Kala pyntip ba kine ki shnong ki dei ki shnong Khasi paka bad ki dei kiba hap hapoh ka West Khasi Hills District.
Ka KSU kala dawa ia u Deputy Commissioner ba un tuklar mardor ia kane ka jingwan kyntur pud khnang ban lait na kino kino ki jyrwit jyrwat khamtam haba ki ar jylla ki dang don hapdeng ka jingiakren pynbeit pud.
Ha kajuh ka por, ka KSU kala pynpaw ia ka jingsngewkhia halor ka jingiai bteng jong ka Sorkar Assam ban wanrah jubor ia ki skhim bad ki project bapher bapher ha ki shnong khappud khlem da burom ia ki jingiateh kular ne ka status quo, ba ka dei ban don shuwa ka jingiamynjur lang na baroh ar jylla hashuwa ban pyntreikam ia ki skhim ne project.
 West Khasi Hills District, kala leit ujor sha u Deputy Commissioner ka District, ban pyrshah jur ia ka jingwan kyntur pud jong ka Sorkar Assam sha ki shnong Khasi kiba hap hapoh ka West Khasi Hills District.){kind=link}