spot_img

Gambegre By-Election | Ka jingakhun kan long hapdeng ka NPP bad TMC, la kut ka Congress

Date:

Share post:

Shillong, Nailur 16 : U Nongialam ka NPP bad Myntri Sorkar Rakkam A Sangma, ula pynpaw ba ka elekshon shiteng samoi ( By-Election) ban wan ha Gambegre kan sakhi ia ka jingiakhun tang hapdeng ka NPP bad ka Trinamool Congress (TMC).

Haba iakren bad ki nongthoh khubor hynne ka sngi Ba-ar, u Sangma ula pynpaw ia ka jingsngewskhem ha ka jingioh jing kyrshan ka NPP, haba kren halor ka jingwan tuid jong ki nongshongshnong sha ki rynsan ialap elekshon jong u.

“Ka elekshon hi ka dei ka elekshon, hynrei ia mynta, kaei kaba paw ka long ba ka jingiakhun kan dei hapdeng ka NPP bad ka TMC….namar ki riewsainpyrthei hi ki tip kaei kaban jia” ula kynthoh.

Haba kylli halor ka Congress khamtam ba ka Gambegre ka dei kaba la mihkhmat da u Nongialam ka Congress Saleng A Sangma uba la long MP Lok Sabha ka Tura, u Rakkam ula pynpaw ba kam don jingmut shuh kane. Ula ong ba da ka jing wan iasoh ki laingut ki MLA ka Congress sha ka NPP, ka Congress kala nang tlot bad kam dei shuh ka nongiakhun ha ka thain.

“Ka Congress kam don lawei shuh bad da ka jingnang khlain bor ka NPP, ngi kham lah ma ngi ban ia kiwei ki party ban jop ha ka elekshon shiteng samoi ka Gambegre” ula bynrap.

Share post:

spot_img
spot_img

Popular

More like this
Related

Pynbna ka MBA ban pynlong ia ka State Sub Jr Basketball Championship

Shillong, Naitung 08: Ka Meghalaya Basketball Association (MBA), ka...

Shimkhia ka Sorkar ban lah pyndep noh ia ka jingmaramot ia ka surok NH-06 ha EJH

Shillong, Naitung 08: U Myntri Sorkar bad MLA ka...

Bthah u SP ia u SDPO ban tohkit ia ka jingkynnoh pynshitom be-ain ki Pulit ka Sohra ia u samla

Shillong, Naitung 08: U Superintendent of Police ka East...

Kyrmen u Myntri ban kiew biang ka ioh ka kot ha Ri-lum Jaintia da ka jingsdang tih dewiong

Shillong, Naitung 07: U Myntri Sorkar bad MLA ka...