Shillong, Iaiong 21 : U Myntri Rangbah ka Jylla Conrad K Sangma, ula pynpaw ia ka jingsngewlem naduh ka mynsiem halor ka jingkhlad noh u Pope Francis, ia uba ula khein kum u “Shakri ba shisha jong u Blei, uba la wanrah ia ki jingkylla kum u Pope, kiba pynkylla dur ia ka pyrthei”.
Ha ka shithi sha u Archbishop Leopoldo Girelli, u Nuncio jong ki Apostol ha India, u Conrad u la thoh, “Ïa u Pope Francis Bakhuid la tip kum ‘U Pope jong ki paidbah,’ ka jinglong sngewrit, ka mynsiem isynei ia kiwei bad ka jinglong kaba shisur shidur ka la batai biang ïa ka bynta jong ka jinglong nongïalam ba kynja mynsiem ha kane ka por jong ngi, bad ka la pur shabar jong ki kynroh ka Vatican.
In a letter addressed to Archbishop Leopoldo Girelli, Apostolic Nuncio to India, Sangma wrote, “His Holiness Pope Francis was known as ‘The People’s Pope,’ his humility, compassion, and simplicity redefined the role of spiritual leadership in our time, and resonated beyond the walls of the Vatican. Ula ieng iakhun ban sumar ia ka mariang lyngba u Laidato Si kaba ai mynsiem ia ka pyrthei ba kan leh eiei ia kane ka metbneng jong ngi”.
U Myntri Rangbah ka Jylla ula kubur ruh ïa ka mynsem isynei jong u Pope Francis ïa ki kynhun ba shah iehnoh beiñ, naduh ki baduk bad ki nongphetwir haduh ki nongshah lehbeiñ. “Ka jingïakhih jong u Pope na ka bynta ki baduk, ki riewphetwir, bad ki nongshah lehbeiñ ka pynpaw ïa ka jingaiti bym lah pynkhih jong u ïa ka jingsngew synei, ka burom, bad ka jingïadon bynta lang”, la kynthoh u Sangma.
“Ki jingpyrshang jong u hapdeng ki niam, kum ka *Document on Human Fraternity”, bad ka jingïakhih jong u na ka bynta ka jingsuk ha ki jaka ba don jingïakynad ka la tei ïa ki jingkieng jong ka jingïasngewthuh jingmut bad jingïatylli ha kylleng ki jingïapher niam bad ka kolshor.,” la thoh u Sangma.
U Myntri Rangbah ka Meghalaya u la ai burom ruh ïa ka nam ba neh jong u Pope Francis, da kaba kdew ba ka khubor jong ka jingsngewrit, ka jingkmen bad ka hok kan dang iai ai mynsiem ïa ki pateng ban wan. “Na ka liang jong nga, bad na ka bynta ki paidbah ka Meghalaya, nga ai ka burom naduh ka mynsiem ïa u Pope Francis na ka bynta ka jingïalam bad ka jingshakri ba phylla jong u,” la pynpaw u Sangma bad bynrap, “Ai ba ka mynsiem jong u kan ioh ia ka jingjahthait ha ka jingsuk bym jukut”.
