U-23 Women T20 Trophy | Pynliem ka Meghalaya ia ka Manipur da 19 run

Shillong, Naiwieng 26 : Ka kynhun ki thei ialehkai cricket ka jylla, ki la pynliem da 19 ron ia ka Manipur, ha ka lympung ialehkai jong ka U-23 Women’s T20 Trophy 2025-26 ba long  ha Agartala ha ka sngi Ba-ar.

Ia kane ka jiiakhun kaba la hap ban pynhiar noh sha ka 9 over, hynrei  na ka liang ka Suriti Kumari Ray ka la ieng iakhun tyngeh ban lah ban kamai 33 ron bad iai neh haduh kaba kut, ka la seng ia ka nongrim ba khlain ia ka Meghalaya ba kan lah ban kamai 69 ron hadien ba la hap noh 5 wiket.

Haba la dei pat ka pali ban wan beh ia kane ka thong, ka Manipur ka la lah ba kan kamai  tang 50 ron hadien ba ki la lap ba hap noh baroh ki wiket ki jong ka ha ka 8.5 over.

Ka  Niruta ka kylla long tang ma ka kaba la lah ban kamai bun ron naka bynta ka kynhun katta 11 ron ha shwa ba kan out noh ha ki kti jong ka Nerisa Nongrum.

Katba ki wiket  ba sah ka Manipur don napdeng jong ki ba la shu run out,  hadien ba ki la kwah  palat ban jam sha u line ka jingjop, kaba hangne ka Indariakor Kharwanniang marwei ka la don bynta ha ki lai  tylli ki run out bad bynrap lang sa ka  Ritreki Pohshna, Janika Marak, Abiezer Kharsyiem bad Suriti mar kawei ka run out.

Kumban shu pynkynmaw ba ha kane ka kynti iakhun kaba mynta, ki thei ialehkai ka Meghalaya ki la shah liem da 140 ron hakhmat ka Pondicherry ka jingiakhun ba la long ha ka lah sngi U Blei ka taiew, hynrei da kane ka jingjop pyrshah ia ka Manipur, kan pynlong ia ka kynhun ba kan ioh mynsiem naka bynta ba kan khreh pat ia ka jingiakhun kaba lai ka jong ka kaban long pyrshah ia ka Arunachal Pradesh lashai pat ka sngi.