Shillong, Iaiong 02 : Ka Khasi Students’ Union (KSU) kala khot bad wer ia baroh ki paidbah ka Bri Hynniewtrep ba kin iamih ban iadon ryngkat ha ka jingiaid kjat ha ka 4 tarik Iaiong, 2026 kaba dei ka Sngi Kyrsiew Ri lane ka Khasi National Awakening Day.
Kat kum ka kyrwoh na u Information & Publicity Secretary samla Pynshai Rani, ka KSU ka ju rakhe iakane ka sngi kyrpang ban pynkynmaw ia ki paradoh parasnam ba ha ka spah snem kaba khatkhyndai (19th Century), kata ha ka 4 tarik Iaiong, la khie ka thma kaba jur hapdeng ka Sorkar Bilat (East India Company) bad ki Hima Khasi hapoh ka jinglamkhmat jong ka Hima Khadsawphra kaba la synran da u Pa’iem Tirot Sing Syiem bad la tip ïa kane ka thma kum ka 1st Anglo-Khasi War da ka pyrthei.
“Kane ka thma ka long kaba shyrkhei bad kaba la neh slem bha ha ka juk jong u Khasi” u la ong haba bynrap “Ka Seng ka shim ïa kane ka sngi kum ka sngi kyrpang ban kyrsiew ïa la ka Jaidbynriew kaba dang ïaleh pyrshah ïa ki bun jait ki thma kiba jar jar kiba wan ban bam kruin ïa ka Jaidbynriew”.
U samla Pynshai u pyntip ba kane ka jingïaid paidbah (rally) kan sdang na Bharat Scouts & Guides, Laban bad yn pynkut ha Shillong Vidyalaya Secondary School, Lumshatsngi naduh ka por 1 baje nohphaisngi.
 kala khot bad wer ia baroh ki paidbah ka Bri Hynniewtrep ba kin iamih ban iadon ryngkat ha ka jingiaid kjat ha ka 4 tarik Iaiong, 2026 kaba dei ka Sngi Kyrsiew Ri lane ka Khasi National Awakening Day.){kind=link}