Shillong, Iaiong 2 : Ka Confederation of Meghalaya Social Organisation (CoMSO) kala sdang ia ka jingialap ban pan jingkyrshan na baroh ki 60 ngut ki MLA ka Jylla ha kaban pyntreikam ia ka Special Intensive Revision (SIR) jong ka electoral roll bad ban pynkylla ia ka Constitution (Scheduled Tribes) Order, 1950, ha Meghalaya.
“Ngi la ai ka por ba 45 sngi ia ka Sorkar Jylla ba kan shim ia ka sienjam ha kaban thoh sha ka Home Ministry, Election Commission of India bad kiwei ki bor khmih halor kine ki kam” ong u Chairman ka CoMSO Bah Roykupar Synrem hadien ka jingialang bad u President ka BJP Rikman G Momin ha ka sngi Palei.
U Bah Roykupar ula ban jur ia ka jingdonkam ban iakren bad baroh ki kynhun ba don bynta, kynthup ki seng sain pyrthei.
“Ngin sa leit iakren ia man ki seng sain pyrthei, iakynduh ia ki markhmat lane phah da ka shithi, ban pan jingkyrshan na ka bynta kine ki kam ba kongsan kiba ktah ia ki riewlum trai muluk ka Jylla” ula ong.
Ka BJP Meghalaya kala ai ka jingkular ia ka CoMSO ba ka don ha kajuh ka jingkwah haba iadei bad ka jingpyntreikam ia ka SIR bad kan sa iakren bad ki bor ba dei khmih.
“Kin sa pule bniah ia ka dorkhas jong ngi bad kin sa shim ia ka sienjam ba donkam haba iadei bad ka jingpynkyllaia ka ST Order” bynrap u Bah Roykupar.
Ka CoMSO kala pdiang sngewbha ruh ia ka jingkren u Myntri Rangbah ka Jylla Conrad K Sangma ba kyrshan ia ka SIT hynrei ban jur ia kajingdonkam ban shim ia ki sienjam ha kaban pyntreikam ia ka.
“Kam dei ban kut tang ha ka jingkren, hynrei ban leh ruh ia ka kam” ong u Bah Roykupar.
 kala sdang ia ka jingialap ban pan jingkyrshan na baroh ki 60 ngut ki MLA ka Jylla ha kaban pyntreikam ia ka Special Intensive Revision (SIR) jong ka electoral roll bad ban pynkylla ia ka Constitution (Scheduled Tribes) Order, 1950, ha Meghalaya.){kind=link}