Shillong, Rymphang 17 : U Myntri ka Tnad rep Timothy D Shira ula pyntip ia ka Iingdorbar Thaw Ain ba ka Jylla kala pyndonkam ia ka jaka rep haduh 24,261.09 hectare hapoh ka Meghalaya State Organic bad National Farming Policy.
Haba jubab ia ka jingkylli ha ka sngi Ba-ar, u Shira ula ong “Ka jaka rep baroh lang bala pynhap hapoh ka Meghalaya State Organic bad National Farming Policy ka long 24261.09 ha.” Ula bynrap ba 3750 hectare ka jaka rep la pynhap hapoh ka National Farming Policy 2023.
