Shillong, Risaw 09 : Namar ka jingbym patiaw ka Sorkar ban khot iakren, ka synjuk ki Nonghikai SSA-ka All Meghalaya SSA School Teachers Association (AMSSASTA) ha ka sngi Balang, kala tur paidbah sha Secretariat ban pynbor ia ka Sorkar Jylla ba kan pyntreikam noh ia ka jingdawa pynkiew tulop ba 100%.
Kane ka synjuk ki Nonghikai SSA ka la pynlong ia ka jingiashong kyllain mungor ba khlem pud ha Malki, kaba la jam mynta sha ka sngi kaba khyndai.
Haba iohi ia ka jingbym patiaw ka Sorkar ia ka jingiakhih, ki Nonghikai SSA kila iamih na madan Malki ban iatur paidbah sha Secretariat hynrei ki Bor District bad ki Pulit, kila bat noh ia ki hajan ka State Central Library bad la shah tang ia katto katne ngut ban rung sha Secretariat.
Ka jingthmu jong kane ka Synjuk ka long eh ban iakynduh ia u Myntri Rangbah ka Jylla Conrad K Sangma bad ia u Myntri ka tnad Pule Puthi Rakkam A Sangma, ki ba dang don mynta sha Ri-lum Garo.
Haba iakren bad ki lad pathai khubor, u President ka synjuk Peter Thyrniang ula iathuh ba kane ka jingwan sha Secretariay ka dei kaba la rai da ka jingialang ba long hynne ka step bad ki nonghikai, kiba sngewdei ban iakynduh biang ia ka Sorkar.
“Ka jingwan jong ngi ka long ban iakynduh ia u Myntri Rangbah ka Jylla bad Myntri ka tnad Pule Puthi. Hynrei namar ba kim don shane, ngi la iakynduh noh ia u Myntri Sorkar Bah Paul Lyngdoh uba dei ruh u Nongaiktien ka Sorkar” ula pyntip.
 ha ka sngi Balang, kala tur paidbah sha Secretariat ban pynbor ia ka Sorkar Jylla ba kan pyntreikam noh ia ka jingdawa pynkiew tulop ba 100%.){kind=link}