Shillong, Risaw 09: Ka Tnad kam Pohiing (Police) kala bthah ia baroh ki Iingbasa (Hotel, Lodge, Homestay, Resort) bad ki dukan ba ki hap ban shim ia ka No Obejection Certificate (NoC) na ka Tnad Fire Service Organisation.
Kat kum ka jingpynbna bala pynmih da u Secretary ka Tnad kam Pohiing (Police) Bah CVD Diengdoh, kane ka hukum kan treikam ia baroh ki Jingtei kiba pynlong kum ki Iingbasa kiba don ha Nongbah Shillong bad ki jaka ba markhap.
Ula ong ba kane ka long haba pyntreikam ia ka kyndon 13 (1) bad kyndon 15(1) jong ka Meghalaya Fire & Emergency Services Act, 2022.
Lah ban kdew hangne ba kane ka hukum jong ka Sorkar ka dei shibynta na ka sienjam ban pynthikna iaka jingshngain jong ki jingtei bad ki Iingbasa haba don kano kano ka jingjia pluh ding.
Ka jingjia pluh ding ha Police Bazaar ha u snem bala lah, kala pynkyndit bynriew ia ka Sorkar Jylla haba iohi ia ka jingeh jong ki kali pynlip ding ban poi sha ka jaka ba pluh namar ka jingkhapngiah, kaba la buh ha ka jingeh ia ki Pulit pynlip ding ban iakhun ia ki thylliej ding.
 kala bthah ia baroh ki Iingbasa (Hotel, Lodge, Homestay, Resort) bad ki dukan ba ki hap ban shim ia ka No Obejection Certificate (NoC) na ka Tnad Fire Service Organisation.){kind=link}