Shillong, K’lyngkot 29: Ka National People’s Party (NPP) ha ka sngi Nyngkong, kala thung ia u MLA ba arsamoi ka Sohra Bah Gavin M Mylliem kum u President ka Party ha East Khasi Hills District.
Ka jingthung ia ki Nongkitkam ba thymmai jong ka District la leh hadien ka jingialang jong ka District Executive committee (DEC) jong ka Party kaba long ha Shillong Club.
U MLA ka Mawkynrew Bah Banteidor Lyngdoh bad CEM ka KHADC Bah Pyniaid Sing Syiem, kila shah thung kum ki Working President, ka MDC ka Nongshken Kong Grace Mary Kharpuri, MDC ka Mawphlang Bah Lamphrang Blah, MDC ka Mawsynram Bah Alvin K Sawkmie bad u Bah Sherbor Mawlong kila shah thung kum ki Vice President.
Kiwei pat ki kynthup ia u Bah Aibor Tynsong, Jansing Tynsong, Malcolm R Mylliemngap bad Wonderson Dkhar kum ki General Secretary bad u Bah Auspicious L Mawphlang kum u treasurer.
Ka party kala thung ruh ia 10 ngut ki Secretary ba kynthup ia u MLA barim ka Mawhati Bah Dasakhiatbha Lamare, Firstborn Dkhar, Alan West Kharkongor, K Beni Warjri, Richeal Wankhar , Bhaboklang Ryntathiang, Rito Sing Syiem, Kistoles Marbaniang, Traibor Nongkhlaw bad Iantly Jurwa bad ia u Bah Jiedsing Kurbah kum u adviser nalor 26 ngut ki executive member.
 ha ka sngi Nyngkong, kala thung ia u MLA ba arsamoi ka Sohra Bah Gavin M Mylliem kum u President ka Party ha East Khasi Hills District.){kind=link}