New Delhi Nailur 17: U Barikor thohdur ha u shyiap (sand artist) Sudarsan Pattniak ha ka sngi U Blei, ula aikhublei kitbok sngi kha ia u Myntri Rangbah Duh ka Ri Narendra Modi da ka jingshna ia ka dur jong u ha Puri beach, Odisha.
Ula pynwan dur ia ka dur u Modi ha u Syiap bad 50 tylli ki shaka Konarak lem bad ka khubor #Sngikha basuk Modiji ha Puri beach.
Wishing Our beloved Hon’ble Prime Minister @narendramodi ji on his birthday. May Lord #Vishwakarma bless him with long and healthy life to serve Bharat Mata.
I’ve created a SandArt with installation of 50 Konarak wheels with message #HappyBirthdayModiJi at Puri beach , Odisha pic.twitter.com/c49QsGCdzq— Sudarsan Pattnaik (@sudarsansand) September 17, 2023
Tang hapoh katto katne ba ula sam paidbah ia kane ka jingthohdur ha ka ‘X’, kane ka post kala ioh ia hajar ki like bad lah bun hajar ruh kiba la pynsaphriang. Nalor kane, ki nongpyndonkam ia ka X kila thoh da ki jingai khublei kitbok sngikha ia u Narendra Modi.
Kiba bun ruh ki nongpyndonkam ia ki social media kila ai jingiaroh ia kane ka jingthohdur bad ki jingthoh kiba sngewtynnad.
U Myntri Rangbah Duh ka Ri Narednra Modi ula rakhe ia ka lyngkhuh sngikha ba 73 snem mynta ka sngi U Blei bad bun bah ki kynrem ki lyndan naduh ka President ka Ri Droupadi Murmi, ki nongialam sainpyrthei, ki heh Ophisar kila ai ka jingkhublei kitbok sngikha ia une u Nongialam ka Ri.
