Shillong, JYmmang 11: U Myntri Rangbah ka Jylla Conrad K Sangma, ula thoh shithi sha u Myntri ka Ministry of Education (MoE) ka Sorkar Pdeng, Dharmendra Pradhan ba un bthah ia ka National Testting Agency (NTA) ba kan bishar biang bad ban pynngat thoh eksam Common University Entrance Test (CUET) (UG), 2025 ia ki samla pule ka Meghalaya hala ka jong ka Jylla.
Ha ka shithi sha u Pradhan, u Conrad ula ong “….Nga kyrpad jur ia ka jingtuklar jong phi ban bthah ia ka NTA ba kan bishar biang bad ban pynngat thoh eksam CUET (UG) 2025 ia ki samla pule ka Meghalaya hapoh ka Jylla”.
U Conrad ula bynrap “Ban mynjur ha kaban pynjlan lane pynkynriah shuwa ia ka eksam na ka bynta ki samla pule ka Meghalaya mynta u snem tad haduh bala pynthikna bala biang nadong hadong ki jaka thoh eksam. Kane ka jingkyrpad kala mih na ka jingsngew donkam kyrkieh hapdeng ki samla jong ngi bad nga shaniah ba ka Ophis jong phi kan ai ka jingmynjur kumba ka dei hok ban ioh”.
Ula ong ba ki kam ba iadei bad ka jingpynlong ia ka essam CUET (UG) 2025 bad ka jingbym pat biang ki jaka thoh eksam hapoh ka Jylla, kala wanrah ia ka jingsngew rit mynsiem hapdeng ki samla pule bad ki Kmie ki Kpa ha kylleng ka Jylla Meghalaya.
Kat kum ka jingong jong u, bun bah ki samla pule kiba la jied ban ialeh ia ka eksam ha Meghalaya khamtam ha Shillong-kiba shah pynngat ha ki centre kiba shajngai bah kum ha Jorhat, Dibrugarh, Mizoram, Nagaland bad wat sha Kolkata.
“Kane ka jingleh ka NTA kala buh ia ka jingkit kaba khia ha kiba bun ki samla pule khamtam ia kitp kiba wan na ki longiing kiba duna ka jingioh, kiba la pynbor ia ki ban hap pynlut sa ia ka baileit bai wan bad jaka sah. Ha kiba bun ki khep, kine ki jinglut jingsep ki kham palat ban ia ka bor jong ki” ong u Conrad haba bynrap b aka jingeh kaba mih na kane kam shym la pynthut tang ia ka jingpynkhreh jong kine ki samla pule ban iakhun ia ka eksam hynrei ka lah ban pynbor ruh ia katto katne ba kin iehnoh syndon ia ka eksam. Kane ka jinglong jingman kala iai mih wat hapdeng ki jingiai kyrpad bad ki jingkular ha ki snem bala leit halor ka jinganrah ia bun ki centre hapoh ka Jylla”.
“Ka long kongsan ban tip ba ka Sorkar Meghalaya kala ai ka jingkyrpad ba pura ia ka NTA da kaba ithuh ia ki Centre kiba donkam bad tyrwa ruh ia ka jingiatreilang na baroh ki bor pyniaid ka Sorkar. Ngi la thaw ruh ia ka State Level Committee, ha ryngkat ki District Level Committee, ban lah pyniaid beit iaid ryntih ia ki eksam ka NTA hapoh ka Jylla. Hynrei wat hapdeng kine ki jingpyrshang, kane ka jingpynngat thoh eksam ba mynta ka dang iai bteng ka daw jong ka jingeh” ula kynthoh.
 ba kan bishar biang bad ban pynngat thoh eksam Common University Entrance Test (CUET) (UG), 2025 ia ki samla pule ka Meghalaya hala ka jong ka Jylla.){kind=link}