Assam | Kem ki Pulit ia 50 ngut ba kyrshan ia ka Pakistan

Guwahati, Jymmang 11: Kum shi bynta naka jingthwet ia ki briew kiba shah kynnoh ba ki pynshlur iaki kam pyrshah ri, ki pulit ka jylla Assam kila kem sa ar ngut ki briew ba kynthup ia u Jabbu Islam na Biswanath bad u Rahul Amin na Morigaon ha ka sngi Saitjain.

U Myntri Rangbah ka Assam u Himanta Biswa Sarma, haba pyntip ia kane lyngba ka Facebook, u la ong, “Baroh ki don 50 ngut kiba la niew ba ki dei ki nongialeh pyrshah ri kiba la muja ka shong ha patok. Ngi la aiti lut ban bteng ia ka ishon ka jong ngi ban kem ia ki nongkyrshan jong ka ri Pakistan hapoh ka jylla jong ngi”.

Kine kiba la shah kem kidei kiba ia don bynta ha ka ban iaroh ia ka Pakistan ha kaba iadei bad ka jingjia ba la jia ha ka jingshah thombor ha ki lehnoh ha Pahalgam bad ki bor ba dei khmih ki dang buddien halor ka jingkynnoh ba ki kyrshan ia ki kam lehnoh ka Islamic bad kine ki briew kin ngat hapoh ka National Security Act (NSA).

“Ka Assam ka ym lah ban shah ia kum kine ki briew la kidei ba ki long direct ne indirect, kiba kyrshan ia ka Pakistan ha kaba iadei bad ka jinghiar thma ia ki briew kiba lui lui ha Pahalgam,” la pynpaw u Sarma.

Ki pulit ka jylla kila pynjur ban Peitngor ha ki lad social media bad u la maham ba ka jingdon jong ki briew ki ban sa shah kem kin dang kiew.