Dimapur, Nailur 02 : Ka Rising People’s Party (RPP) ka Nagaland ka kyrmen skhem ba ka sorkar AAP ha Punjab kan shim ia ki sienjam ba tyngeh ban kem bad pynpaw paidbah ia ki nongsylla kiba donkti halor ka jingshah pynpra ka iingmane bad ka jingshah thang ka kali jong u pastor ha Taran Taran district ka jylla kaba la jia ha ka 30 tarik u Nailar ba la dep.
Ha ka shithi ba la phah sha u Myntri Rangbah (CM) ka Punjab u Bhagwant Mann hynnin ka sngi Palei, u president ka RPP u Joel Naga ula ong, “Ka dei ka jingjia kaba sngewbynniaw shibun ba ka iingmane kan shah pynjulor bad ba ka kali jong u pastor kan shah thang dusmon ha ki riew runar kiba pyrshang ban wanrah ka jingiakynad lyngba ka jingsngew iapher niam bad ki bym shym la burom shuh halor ka jinghok jong ka jingngeit biam hapoh ka ri.”
Haba pynpaw ka jingsngewnguh ia u Mann halor ka jingpynrem ka jong u bad ka jingpynthikna ban khanglad ia kino kino kiba pyrshang ban pynthut ia ka shongsuk shongsain bad ia ka jingialong shipara ha ka jylla, hynrei na ka liang ka RPP kala ong ba kane ka lah ruh ban dei ka jingpyrshang ban iasylla na ka bynta ban pynthohbria ia ka sorkar ba pawkhmat ka jong u.
“Kiba kum kine ki jingleh, la ki dei kiba iasylla kam sain hima lane da kumwei pat ka dei kaba hap ban pynrem jur,” ong shuh shuh ka RPP.
