Shillong, Naitung 07 : U Myntri kam pynmih bording Abu Taher Mondal ha ka sngi Palei ula pyntip ba ka jingwad bniah (study) kala iaid shakhmat ban tei pynkhlain ia ka jingkieng Umiam.
Haba iakren bad ki nongthoh khubor, u Mondal ula pyntip ba ka Sorkar kala ai laitluid ha ka Indian Institute of Technology (IIT), Guwahati ba kan leh ia kane ka jingwad bniah bad ba kan sa aiti ia ka kaiphod sha ka Sorkar.
Ka jingtei pynkhlain ia ka jingkieng Umiam kan sa urlong hadien b aka IITG kala aiti ia ka kaiphod sha ka Sorkar Jylla.
Ha ka 16 tarik Jymmang, u Myntri lem bad ki stad na ka IITG kila pynlong ia ka jingjurip ia ka jingkieng Umiam hadien ba mih ki jingsngewsyier ia ka jingshngain jong kane ka jingkieng.
Ha ka jingjurip, kila shem ba ki bearing jong ka jingkieng Umiam kim long shuh kiba dang biang.
Haba kylli halor ka jingtyrwa ban tei ia ka jingkieng thymmai, u Myntri ula ong “Ka MeECL kam don bynta eiei bad kane ka kam hynrei namar ka dei shibynta jong ka project, kane ka jingkieng kala don bad ngi”
“Mynta nag tharai ka PWD ryngkat ka National highway infrastructure development corporation limited (NHIDCL) ki dang ia sorjamin ia ka jaka bad shen kin sa pyntip ia ka jaka ban shna thymmai ia ka jingkieng” ula ong.
Pule lang ia kane: Shah wiang ding ka kali Pulit ha Laitumkhrah Police Station ba shah shoh ki Khynnah Khasi
