-->

Thlim mih ka jingkulmar hapdeng ka BJP bad APP ha Aizawl

Date:

Share post:

Aizawl, Naitung 22: Ka rally jong ka Aam Admi Party (AAP) ha Aizawl ban pyrshah ia ka jingjia iaumsnam ha Manipur, kala pynmih ia ka jingkulmar bad ka jingiasyndong kti bad ki Nongkitkam ka Bharatiya Janata Party (BJP) hynne ka sngi Saitjain ha Aizawl.

Ka AAP kaba dang shu dep seng thymmai ha Mizoram, kala leit pynlong ia ka jingiakhih hakhmat ka Ophis jong ka BJP bad kynnoh ruh ba dei ka BJP kaba hap shim ia ka jingkitkhlieh ia ka jingjia ha Manipur bad ba ka Sorkar Pdeng ba ialam da ka BJP, kam shym la leh iala ka kamram halor kiei kiei kiba jia ha Manipur.

Ki Nongialam bad ki Dkhot ka AAP kila leit ialum paidbah hakhmat ka Ophis ka BJP kaba la pynbor ia ki Nongialam bad ki Nongkitkam ba BJP ba kin mih ban tuklar. Kane kala pynmih ia ka jingiania kaba jur bad kala poi ruh sha u pud ba ki dkhot kila iajrong kti bad iashoh iadat haduh ba katto katne kila mynsaw.

Ki Pulit kiba don ha kane ka jaka ban pahara, kila tuklar mardor bad kila lah ban tehlakam noh ia ka jingkulmar.

Ka AAP Mizoram kala kynnoh ba dei ka BJP kaba sdang ban jrong kti haba ki poi ha kane ka jaka ban iakhih katba u President ka BJP Mizoram Vanlalhmuaka ula ong ba ka AAP Mizoram kam dei ban pynlong ia ki jingiakhih kaba pynmih huri hura ha Mizoram khamtam hakhmat ki Ophis jong kiwei.

Hadien kane, ka BJP kala leit ban ujor da ka ejahar sha ki Pulit ba kam ba ka AAP kala pynlong ia kane ka jingialang khlem da ioh jingbit na u DC nalor ka jingpyndonkam ia ki kor pynsawa khlem ka jingbit, khang lynti ia ka surok hajan Raj Bhavan da ki kynta bad kiwei kiwei.

Pule ruh: Kyntu ka KJCLF ia ka Meira Paibis ban iada ia ki Kynthei ha Manipur

Share post:

-->
spot_img

Popular

More like this
Related

Yn siew ka sorkar ia ka arrear DA | Ka CPF ka dang don ha Iingkashari: ong u DyCM ia ki nonghikai deficit

Shillong, Naiwieng 19: U Symbud Myntri Rangbah ka Jylla...

Meghalaya govt will clear DA arrears, CPF matter is before court: Prestone tells deficit teachers

SHILLONG, NOV 19: Deputy Chief Minister Prestone Tynsong on...

Cherry Blossom | Wan poi u Nelly ha Shillong; pynkhreh ka Jylla ia ka miet hip-hop

Shillong, November 18: Ka Shillong kala pynkhreh ban pynlong...

Yn ioh ka Meghalaya da u Acting DGP hadien ba shongthait ka kong Nongrang

Ka jingthung DGP ba pura kan iaid kat kum...