Shillong, Iaiong 15 : U President barim ka NPP bad MP ka Rajya Sabha Dr WR Kharlukhi ha ka sngi Ba-ar, ula ther ia ka Voice of the People Party (VPP) ba dawa ia ka jingtohkit ba laitluid halor ka jing kynnoh bym lah ka Sorkar ban pyniaid ia ka elekshon kaba khuid bad bym shah liang ha JHADC.
Une u MLA ula ong ba kane ka party ka long pyrshah ia ka jingpyndonkam ia ka bor dohksah hynrei ka kyrshan pat ia ki kam runar (gundaism).
Haba kren sha ki nongthoh khubor, u Dr Kharlukhi ula ong “Mynta ka sngi nga la ioh pule (ha ki kot khubor) ba ka VPP ka dawa ia ka jingtohkit halor ka jingshah rem ha ka elekshon JHADC. Kumba ong u MLA jong nga na Jowai, kine kibriew haba ki rem elekshon ki ong ba ka dei ka bym leh hok hynrei haba ki jop pat ki ong ba ka dei kaba biang”.
Haba khein kam kai ia ki jingkam ka VPP ba ka jingpyndonkam ia ka bor dohksah ka dei ka daw bah halor ka jingshah rem ha ka elekshon JHADC, une u nongialam ka NPP ula ong “Phi tip nga dang don ka video jong kaei kaba jia haddien ka elekshon ha kaba ka Iing jong ki nongkyrshan jong ngi kala shah thombor bad shah kawang maw. Ngam iohi ba ki briew, kiba ieid ia ka Jaidbynriew- namar ka iing jong ki briew kaba shah pynjulor ka dei ka Iing ki nong Jaintia-nga khlem iohi satia ia ka jingpynrem na ki nongialam kiba ieid shisha ia ka Jaidbynriew”.
“Ki ong ka bor dohksah hynrei kane kam dei kaei kaei ruh hynrei ka dei ki kam runar kaba mut ki long pyrshah ia ka bor dohksah hynrei ki kyrshan ia ki kam runar” ula ong.
 ba dawa ia ka jingtohkit ba laitluid halor ka jing kynnoh bym lah ka Sorkar ban pyniaid ia ka elekshon kaba khuid bad bym shah liang ha JHADC.){kind=link}