Dimapur, Nailur 08 : Ka sorkar Nagaland kala thaw ia ka kynhun jong ki hynriew ngut ki dkhot ka committe ujor (complaint committee) na ka bynta ban pdiang ia ki jingujor halor ki kam jrongkti ne lehbor pyrshah ia ki nongtrei kiba dei ki kynthei ha ki jaka trei jaka ktah hapoh ka jylla.
Ia kane ka committee ujor kaba thymmai la pynurlong lyngba ki kyndon kiba iadei bad ki kam lehbor pyrshah ia ki kynthei ha ki jaka trei jaka ktah (Sexual Harassment of Women at Workplace) (prevention, prohibition, and redressal) Act 2013, kata kaba la banbor halor ka state level committee kaba hashwa ia kaba la thung da ka sorkar lyngba ka tnat personnel department ha ka 19 tarik u Naiwieng 2016.
Katba ka secretary ka tnat higher and technical education department, ka Hokhuli Chishi ka la bat kum ka chairperson jong ka complaint committee, u Bodeno S Colo, additional secretary, ka Kusa Fithu na katnat social welfare department kila bat kum ki joint secretary, Rosy Athrila S na ka tnat cooperation department, joint secretary, ka Abeiu Meru president, bad ka Naga Mothers Association ka dei ki dkhot jong ka katba ka Sungtila Jamir, joint secretary na ka tnat personnel and administrative reforms department kum ka member secretary.
Katkum ka jingpyntip da ka sorkar hynnin ka sngi Balang, kane katei ka committee kan pdiang ia ki jingujor na kino kino ki kynthei kiba long ki lanot na ki kam shah jrongkti ne lehbor ha ki jaka trei jaka ktah jong ki kumjuh ha ki jaka pule puthi khnang ba yn lah ban shim ia ka jingtohkit.
Ka committee kan shim ia ki sienjam khnang ban pynsngewthuh halor ki hok jongk i nongtrei kiba dei ki kynthei da kaba pynmih ruh ia ki jingbthah nalor ki jingialap ban pynshai paidbah.
Kane ka jingtpyntip kala ong ba ka committee kan shim ia ki sienjam ban rah sha ka jingtohkit da ki bor jong ka ain katkum ka Central/State Civil Service (Conduct) Rules bad ia ka kaiphot yn pynshong nongrim katkum ka jinglap lyngba ka jingtohkit kaba katkum ki kyndon ba la kdew.Hadien yn shim pat ia ki lad jingpynshitom lyngba ka kaiphot kaba la bud beit ryntih katkum ki kyndon.
Nalor kata ka committee kala ioh ruh ia ka jingbthah na ka bynta ban phah ia ka kaiphot ba shisien shi snem sha ka tnat personnel and administrative reforms department ha ryngkat ki jingbatai bniah kiba iadei bad ki jingujor lada ki don bad halor ki lad jingpynshitom ba lashim.
